Sunday, June 30, 2013

ඔබත් ඔබේ පෙම්වතාත් අතර ඇත්තේ සැබෑම ආදරයක්ද ?




ප්‍රේම සම්බන්ධයක් ඇති කර ගැනීමේ දී වගේම විවාහයක් කර ගැනීමේදීත් අප විවිධ කරුණු ගැන සොයා බලනවා. බාහිර පෙනුම, දෙදෙනාගේ අදහස් හා රුචි අරුචිකම්, ආදායම් මාර්ග වැනි කරුණු මේ අතරින් ප්‍රධානයි. මෙහිදී අදහස් හා රුචි අරුචිකම් ගැලපිය යුතුයි කියන මතය නම් නිවැරදි එකක් නොවෙයි. පුද්ගලයන් දෙදෙනකුගේ අදහස් එකිනෙකට ගැළපෙන්නෙ නැහැ. එහෙම ගැළපෙනවා නම් ඒ ජීවිතේ රසවත් වෙන්නෙත් නෑ.


කොහොම වුණත් විවාහයකදී ඔය කරුණු සියල්ලටම වඩා සැලකිල්ලට ගත යුතු කාරණයක් තිඛෙනවා. ඒ තමයි ආදර සම්බන්ධතාවයකින් විවාහ වෙනව නම් අපි දෙන්නා ඇත්තටම ආදරෙයිද?” කියන කාරණාව සහ යෝජිත විවාහයක් නම් ‘අපි දෙන්නා අතර ආදරයක් ගොඩ නැගෙමින් තිඛෙනවාද’ කියන කාරණය.


ආදරය කියලා බොහෝ දෙනෙක් වටහා ගෙන ඉන්නෙ අයිති කර ගැනීම යි. නමුත් ආදරය සහ අයිති කර ගැනීම අතර ලොකු වෙනසක් තියනවා. ආදරය කියන්නෙ මානසික සුව සහනය ඇති කරවන හැගීමක් අයිති කර ගැනීම කියන්නෙ මනසට පීඩා ඇති කරවන කාරණයක්.



අයිති කර ගැනීම කියන්නෙ මොකක්ද?


අපි සාමාන්‍යයෙන් අයිති කර ගන්නේ භාණ්ඩයි. ඒ අනුව ඇඳුම් පැළඳුම් ගෙදරට වුවමනා කරන විවිධාකාරයේ භාණ්ඩ, මෝටර් රථයක් මේ ආදී වශයෙන් නොයෙකුත් දේවල් මේ භාණ්ඩ අතරට ගැනෙනවා. මේ භාණ්ඩවලට බිල්පත් , සමහර ඒවාට වගකීම් සහතික, වාහනයක් නම් ‍පොතක් ආදී වශයෙන් ලැඛෙනවා. අපි මේ භාණ්ඩ ගෙදර තියා ගන්නෙ අපට ඕනෑ හැටියට අපි කැමති තැනක. මේ තමයි අයිති කර ගැනීමේ ස්වභාවය. ඒවා අපට අවශ්‍ය විදිහටම පැවතිය යුතුයි.


ඔබ ආදරය කරනව කියලා හිතාගෙන ඉන්නේ මේ ස්වභාවයටද?

අයිති කර ගැනීම කියන සංකල්පයේදී මූලික වශයෙන් බලපවත්වන කරුණු දෙකක් තිඛෙනවා.





නීති දැමීම


ඇඳුම් පැළඳුම් ගැන, ඇසුරු කරන යහළු යෙහෙළියන් ගැන යන එන ගමන් බිමන් ගැන යනාදී හැම දෙයක් ගැනම නීති රීති පැනවීම මෙහි ස්වභාවයයි. ඒ කියන්නෙ භාණ්ඩයක් මෙන් අපට අවශ්‍ය විදිහට පැවතීමයි. ඒ අනුව නීති එකක් හරි කැඩුවොත් බොහෝ සෙයින් අනෙකා සමග කෝපයට කනස්සල්ලට පත් වෙනවා.


නිතර පරීක්ෂා කිරීම


ඉන්න තැන ගැන විමසමින් නිතර දුරකථන ඇමතුම් දීම, මොකද කරන්නෙ. කවුරු එක්කද ඉන්නෙ ආදී වශයෙන් පරීක්ෂා කිරීම මේ අය තුළ දැකිය හැකියි. මේකත් භාණ්ඩය ගැන සැලකිලිමත් වීම ගැන තමයි. ඒ අනුව තමන්ට නොකියා හදිසියෙන්වත් කොහෙ හරි ගියොත් ඔවුන් තදබල කෝපයට සහ හිත් වේදනාවට පත් වෙනවා. මේ තත්ත්වය වැඩි දියුණු වුණොත් ලිංගික ඊර්ෂ්‍යාව  නම් මානසික ආබාධය දක්වා වර්ධනය වෙන්න පුළුවන්. එවැනි ආබාධයක් ඇති වුණොත් ඒ පුද්ගලයා නිසා සහකාරිය/සහකාරු විශාල මානසික පීඩනයකට ලක් වීම වළක්වන්න බෑ. ඇතැම් විට ඒ නිසාම ඇය/ඔහු විශාද රෝගයට ලක්වීමට බහුල අවකාශයක් තිඛෙනවා.
අයිතිකර ගැනීමේ ස්වභාවය කියන අයගේ මූලික ලක්ෂණ වන්නෙ මේවායි. නමුත් ගමනක් බිමනක් යාමේ දී ආරක්ෂාව තිඛෙනවද? ප්‍රමාණවත් තරමට මුදල් තිඛෙනවද? කෑවද බිව්වද අසනීපයක් තිඛෙනවා නම් එයට ප්‍රතිකාර ගත්තද ආදී වශයෙන් සොයා බැලීම මෙම පරීක්ෂා කිරීම යටතට ගැනෙන්නෙ නෑ.



අයිති කර ගැනීම කියන ක්‍රියාවලිය නිතරම දෙදෙනාටම මානසික වදයක්. අපි හිතමු මේ අයිතිකර ගැනීමේ ක්‍රියාවලිය වැඩියෙන්ම කරන්නේ පෙම්වතා කියලා. එවිට එම පෙම්වතා නිතරම සිටින්නෙ පෙම්වතිය ගැන බියකින්. එයා මට අහිමි වෙයිද කියන පීඩාව ඔහුට නිතරම වද දෙනවා. අයිතිකර ගැනීමට ලක් වන පෙම්වතියට පෙම්වතාගෙ මේ හැසිරීම් ලොකු මානසික වදයක් විදිහට දැනෙන්න පටන් ගන්නවා. 


අපි මුලින්ම කියූ භාණ්ඩයක් අයිති කර ගැනීමේ ක්‍රියාවලියට මේකත් සමානයි. නමුත් සමහර පෙම්වතියන් වගේම පෙම්වතුනුත් ඒ විදිහට තමන් ගැන සොයා බලනවට කැමතියි. ඔවුන් හිතන්නෙ ආදරය කියන්නෙ ඒක කියලයි. ආදරය නිසා කරන සොයා බැලීම කියන්නෙ නීති දැමීම හෝ නිතර සෝදිසි කිරීම කියලා ඔබ හිතනව නම් ඔබට වැරදිලා. කිසිම සතුටක් නැති මානසික පීඩනයක් තමයි අයිති කර ගැනීම කියන්නෙ. ආදරය කිරීම කියන්නෙ ඒ විදිහෙ මානසික ආතතිය ඇති කරවන තත්ත්වයක් නමෛයි. ජීවිතයේ සතුට, සැපත, සුවය, කායික හා මානසික සෞඛ්‍යය වැඩි දියුණු කරවන දෙයක් තමයි ආදරය කියලා කියන්නෙ. ඒ ඇතුළෙ ගැබ්වෙලා තියෙන්නෙ අනෙක් පුද්ගලයා සතුටු වන තරමටම ඒ දෙස බලා තමනුත් සතුටු වීමයි. ඒ ආදරය තුළ බය හෝ සැකය නෑ. ඒ වගේ ආදරයකින් බැඳී සිටින දෙදෙනකුගේ විවාහයන් ඉතාම සාර්ථක එකක් වේවි.

උපුටා ගැනීම - මානසික රෝග විශේෂඥ වෛද්‍ය මහේෂ් රාජසූරිය

සුරාව හා මානය



සමහරක් අපේ සිංහල බෞද්ධයින්ට මානමදය වැළඳී ඇත ......

ලෝකයේ පුද්ගලයන් මත්වන ආකාර දෙකකි. එනම් සුරාව හා මානය වශයෙනි. මෙයින් සුරාව නිසා ඇතිවන මත් බව හෙවත් මදය කෙටිකාලීන වේ. එහෙත් යමෙකු මානය නිසා මත්වුවහොත් ජීවිත කාලය පුරාවට පැවතිය හැක. සත්වයනට මානය නිසා ඇති වනුයේ මෙලොව පිරිහීම, පරලොව පිරිහීම හා මරණින් පසු අපාගතවීම පමණි.

මොනයම් හෝ කාරණයක් නිසා මත්වීම ,උඩඟුවීම බුදු දහමට අනුව මානමදය ලෙස විස්තර වේ. එක් අතකින් එය චිත්තෝපක්ලේෂ ධර්මතාවයකි.තවත් පැත්තකින් වඤ්චක ධර්මයකි. එක්දහස් පන්සියයක් වූ ක්ලේෂ ධර්ම අතර “මානය” එකකි. යමෙකු මානය නිසා මත් වුවහොත් ඔහුට වැරැද්ද නිවැරැද්ද අවබෝධ නොවේ. වනයෙහි යන අන්ධ ඇතෙකු සේ බොහෝ පිරිස් සමඟ අහේතුකව ගැටේ.

තමාගේ තරම නොදැන ක්‍රියා කරන්නා කෙතරම් උත්සාහවත් පුද්ගලයෙක් වුවද විනාශයට පත්වීම වැළැක්විය නොහැක. මානය උමතුවක් හෙවත් පිස්සුවක් ලෙස අටුවාචාරින් වහන්සේ හඳුන්වා ඇත්තේ ද එහෙයිනි.

අභිධර්ම පිඨකයේ විභංග ප්‍රකරණයෙහි මද 27 ක් දක්වා ඇත. එය මෙසේය.

ජාති මදෝ:– මගේ ජාතිය ශ්‍රේෂ්ඨ අතර අන්‍ය ජාති පහත්ය මම උතුම් ජාතිකයෙකි. ආදි වශයෙන් ඇතිවන මත් බව මෙයින් අදහස් වේ.

ගොත්ත මදෝ :- තමා අයත් පෙළපත, එම නාමය නිසා ඇතිවන මත් බව,

ආරෝග්‍ය මදෝ :- නිරෝගි බව නිසා ඇතිවන මානය,

යොබ්බන මදෝ :– යෞවන බව නිසා ඇතිවන මානය

ජීවිත මදෝ :- දීර්ඝායුෂ ලැබීම හේතු කරගෙන ඇතිවන මානය

ලාභ මදෝ :– බොහෝ ආදායම් ඇතිබවන් අන්‍යයන් දිළිඳු බවත් යන හැඟීම නිසා ඇති වන උඩඟුබව

සක්කාරමදෝ :- බොහෝ පිරිසකගෙන් සත්කාර සම්මාන ලැබීම නිසා ඇතිවන මත්වීම

ගරුකාර මදෝ :– අනුන් තමාට ගරුකිරීම නිසා අති වන මත්බව

පුරෙක්ඛාර මදෝ :– දුෂ්කර අවස්ථාවක අන්‍යයන් උපදෙස් ලබා ගැනීමට තමා තෝරා ගන්නවා යැයි ඇතිවන මදය

පරිවාර මදෝ :- බොහෝ පිරිසක් තමා වටා ඇතැයි පිරිස් බලයෙන් මත්වීම

භෝග මදෝ :– තම ජීවිතය ගෙන යාමටත් වඩා බොහෝ ධන සම්පත් ඇති බව හේතුකර ගෙන ඇතිවන මත්බව

වත්තා මදෝ :– ලස්සන රූපයක් ලැබීම නිසා ඇති වන මත් බව

සුත මදෝ :- තමාට වැනි උගතෙක් නැතැයි ඇතිවන මත් බව

පටිභාන මදෝ :– අන්‍යයන්ට වඩා බොහෝ උගත්ය යන හැඟීම

රත්තඤ්ඤු මදෝ :- අන්‍යයන්ට වඩා පැරැණි තොරතුරු දන්නා බව

ආරෝහ මදෝ :- අන්‍යයන්ට වඩා තමා උස්ය යන හැඟීම

පරිනාහ මදෝ :– උස සහ මහත නිසි ආකාරව ඇතැයි යන හැඟීම

මෙම කාරණාවන්ට අමතරව පිණ්ඩපාත, අනවඤ්ඤත ,ඉරියාපථ, ඉද්ධි, යස, සීල, ක්‍ඛාන, සිප්ප, සන්ඨාන, පාරිපුරි වශයෙන් මද 27 සංඛ්‍යාත්මක දැක්වේ.

ඉහත කාරණා සියල්ල පුද්ගලයෙකු තුළ පවතී නම් එය යහපත්ය. මෙහි අයහපත වෙන්නේ ඒ හැම කාරණා නිසා මත්වීමය. උදාර අදහස් ඇත්තවුන් කිනම් සම්පත ලැබුවත් උඩගු නොවේ.

වැලිවිට සරණංකර සංඝරාජයාණනන් වහන්සේ තම උළුවස්සෙහි, “උඩඟු නොව මහණ” ලෙස සටහන් කළේද එහෙයිනි.
යමක් පවතිනවා යනු එය නිරන්තරව වෙනස් වීමයි.මෙය තේරුම් නොගෙන ජාතිය, යෞවන බව, ධනය බලය නිසා මත්වන්නෝ මහත් විපත් ඇතිකර ගනිති. බොහෝ දේ ලැබීම මත්වීමට කාරණයක් කර නොගෙන නිහතමානී විය හැකි නම් වළාවෙන් මිදුන සඳ මෙන් ඔහු බැබළීමට පත් වේවි.

- කොල්ලුපිටිය වාලුකාරාමවාසී සියඹලාගොඩ ධම්මින්ද හිමියන්ගේ ලිපියක් ඇසුරෙනි

Sunday, April 7, 2013

මානසික ආතතිය (Mental Stress & Tension)නිහඬ මාරයෙකි



මානසික ආතතිය (Mental Stress)මෙය නූතන සමාජයේ දෛනික ජීවිතයේම එක්තරා අංගයක් ලෙස හැඳින්වීමද වරදක් නැත. එදිනෙදා ජීවිතය තුළදී අප විවිධ හේතූන්ගෙන් සුලබව මානසික ආතතියට පත් වේ.

උදාහරණ ලෙස අධ්‍යාපනය, පේ‍්‍රමය, රැකියාව, විවාහය, මහලූ විය, යන අවධීන් දැක්විය හැකිය. මේ ආකාරයෙන් සැලකූ විට මා මුලින් සඳහන් කල ආකාරයට මානසික ආතතිය අපගේ ජීවිතය හා බද්ධව පවතින තත්වයකි.

අද අප සියළු දෙනාට ජීවත් වීමට සිදුවී ඇත්තේ බොහෝ තරඟකාරී මෙන්ම කලබලකාරී පරිසරයක් තුළය. මෙය විශේෂයෙන්ම මානසික ආතතිය ඇතිවීමට බලපාන ප‍්‍රධාන සාධකයකි. ඔබ ජීවත්වන හෝ රැකියාව කරන පරිසරය තුළ නිරන්තරයෙන් මානසික ආතතිය ඇති කරවන සාධක පවතී ද? ඒ පිළිබඳව සැලකිලිමත් වන්න. එසේම මානසික ආතතියෙන් මිදීමට ඔබ අනුගමනය කරන ක‍්‍රම පිළිබඳවද සැලකිළිමත් වන්න. එය ඔබ ඉන් මිදීමට තබනා මූලික පියවර වේ.

මෙම විවිධ හේතූන් නිසා මිනිසුන් මානසික ආතතියට පත්වීම අපට නොසලකා හැරීමට නොහැකිය. ඊට හේතුව මෙම තත්වය දිගුකාලීනව පැවතීම තුළින් මිනිසුන් විවිධ කායික හා මානසික රෝග වලට පමණක් නොව විවිධ ආබාධ වලටද ගොදුරු විය හැකි වීමයි. මානසික ආතතිය නිසා බහුලව හටගන්නා කායික රෝග අතර අධි රුධිර පීඩනය, දියවැඩියාව, පිළිකා රෝග, බඬේ ඇතිවන ආම්ලික රෝග හා තට්ටය පෑදීම වැනි රෝග තත්වයන් දැක්විය හැකිය. එසේම මෙම තත්වය දිගුකලක් පැවතීම තුලින් නොයෙක් මානසික රෝගයන් වර්ධනය වීම කෙරෙහිද අහිතකර ලෙස බලපෑම් ඇතිකරයි. කාන්සාව, විශාදය, නින්ද නොයෑමේ ගැටළු, ආහාර ගැනීමේ ගැටළු, සිතුවිලි වල විකෘතිතා, හදිසි කෝපය, නොසන්සුන් බව, සියදිවි නසා ගැනීමද මේ අතර ප‍්‍රමුඛ ස්ථාන ගනි. මේ තත්වයන් වර්ධනය වීමට බලපාන මූලික කරුණු ලෙස පෙන්වා දිය හැකි වන්නේ අප විසින් මානසික ආතතිය (Mental Stress) සුළුවෙන් සිතා නොසලකා හැරීමත්, එසේත් නොමැති නම් මානසික ආතතියෙන් මිදීම සඳහා නොයෙක් ඹෟෂධ වලට පුරුදුවී සිටීමත්ය. මානසික ආතතියෙන් මිදීමට නොයෙක් නිද්‍රා ඹෟෂධ වලට හුරුවීම තවත් බොහෝමයක් කායික හා මානසික රෝග වලට අත වැනීමක් ලෙස පෙන්වා දිය හැකිය. අප විසින් ලබාගන්නා සෑම ඹෟෂධයකම අතුරු ආබාධයන් පවතින බව වෛද්‍ය විද්‍යාත්මකවද තහවුරු කර තිබේ.

මෙම තත්වය එක් එක් පුද්ගලයාට බලපානු ලබන ආකාරය විවිධ වේ. ඔබත් යම් හේතුවකින් මානසික ආතතියෙන් පෙලෙනා බව හැෙඟ් නම් ඉක්මනින්ම මනෝ විද්‍යාව පිළිබඳ දැනුමක් ඇති, වෛද්‍ය වරයෙකු, මනෝ චිකිත්සකයෙකු හෝ මනෝ විද්‍යා උපදේශකයෙකු හමුවන්න. . මා මෙහි පහතින් දැක්වා ඇති ප‍්‍රශ්නාවලියට නිවැරදි පිළිතුරු ලබාදීම මගින් ඔබ තුල පවතින මානසික ආතති තත්වය පිළිබඳව ඔබට යම් නිගමනයකට පැමිණිය හැක. වෛද්‍යවරයෙකු හෝ මනෝ චිකිත්සකවරයෙකු මුණගැසීමේදී එය ඔබට බෙහෙවින් උපකාරී වේ. මානසික ආතතියෙන් මිදීම සුවදායක ජීවිතයක් සඳහා අවශ්‍යම සාධකයක් බව මතක තබා ගන්න. ජීවිතයේ සතුට සෑම විටම රැක ගැනීමට උනන්දු වීම තුළින් ඔබට මානසික ආතතියෙන් තොර සාර්ථක ජීවිතයක් ගතකිරීමට හැකි වනු බව නොවනු මානය.

මානසික ආතතිය කෙරෙහි බලපාන අසුභවාදී ප‍්‍රතිචාරයන්


  • සුළු ප‍්‍රශ්ණ හා කලකිරීම් ඔබව බොහෝ සෙයින් කලකිරීමට පත් කරනවාද?
  • ජීවිතයේ සුළු සතුටුදායක අවස්ථා ඔබව සෑහීමකට පත්කිරීමට අසමත්ද?
  • ඔබට ජීවිතයේ දුක්මුසු අවස්ථා ගැන සිතීම අත්හල නොහැකිද?
  • ඔබ ඔබගේ ආත්ම විශ්වාසය පිළිබදව සෑහීමකට පත් නොවන්නේද?
  • ඔබට නිතරම වෙහෙසකාරී බවක් දැනෙනවාද?
  • ඔබ සුළු ප‍්‍රශ්ණයකින් පවා ක්ෂණික කෝපයට පත්වනවාද?
  • ඔබගේ ආහාර ගැනීමේ හා නිදා ගැනීමේ රටාවල වෙනසක් ඇතිවී තිබේද?
  • ඔබ දිගුකාලීන වේදනා, හිසේ කැක්කුම් හෝ පිට කොන්දේ වේදනා වලින් පීඩා විඳිනවාද?

ඉහත දක්වන ලද ප‍්‍රශ්ණ බොහෝමයකට ඔබගේ පිළිතුර ”ඔව්” නම් ඔබ තුළ ඇති මානසික ආතතිය අඩුකර ගැනීමට හා පාලනය කරගැනීම සඳහා පහත දී ඇති යෝජනා කෙරෙහි අවධානය යොමු කරන්න.

  • යථාර්ථවාදී වන්න! යම් යම් ක‍්‍රියාකාරකම් මගින් ඔබව යථාර්ථයෙන් ඈත් කරයි නම්, ඒවායින් අත් මිදෙන්න.
  • ඔබ සාර්ථක පුද්ගලයෙකු වීමට අධිෂ්ඨාන කරගන්න! කිසිම අයෙකු පරිපූර්ණ නොවේ. එමනිසා ඔබගෙන් සහ අන් අයගෙන් පරිපූර්ණත්වය බලාපොරොත්තු නොවන්න.
  • භාවනා කරන්න! දිනකට විනාඩි 10ක් හෝ 20ක්.
  • සිතින් මවාගන්න! මානසික ආතති අවස්ථාවක් සාර්ථකව හසුරුවා ගන්නා ආකාරය.
  • එක් වතාවකට එක් වැඩක්! ප‍්‍රධාන කාර්යයට ප‍්‍රමුඛස්ථානය දීම.
  • විනෝදාංශයක යෙදෙන්න! එය ඔබට කණස්සල්ලෙන් මිදීමට අවස්ථාව ලබාදේවි.
  • සෞඛ්‍ය සම්පන්න ජීවිතයකට හුරුවන්න! මනා පෝෂණයෙන්, ප‍්‍රමාණවත් විවේකයකින්, ක‍්‍රමවත් ව්‍යායාම තුළින්, සීමිත කැෆේන් හා මධ්‍යසාර භාවිතයෙන්, සමබර වැඩ වල හා ක‍්‍රීඩා වල යෙදීමෙන්.
  • ඔබගේ හැගීම් බෙදාගන්න! පවුලේ සමාජිකයන් හා මිතුරන් අතර. තනිව විඳගැනීමට උත්සාහ නොකරන්න.
  • අවස්ථානුරූපී වන්න! නම්‍යශීලී වන්න.
  • විවේචන සතුටින් බාරගන්න! අගය කිරීම් පමණක්ම අන් අයගෙන් බලාපොරොත්තු නොවන්න



උපුටා ගැනීම - D.S හේවගේ,
ජ්‍යෙෂ්ඨ මනෝ විද්‍යා උපදේශක හා මනෝ චිකිත්සක,
”සිත් ගිමන්හල” මනෝ චිකිත්සන හා උපදේශන මධ්‍යස්ථානය , පේරාදෙණිය, ශ‍්‍රී ලංකා.

Saturday, March 2, 2013

No Expectations = No Disappointments....

Don't expect too much from the person you love or the person you trust because one day, they will end up with disappointing you.....

Disappointment means the feeling of sadness or displeasure that haunts us, when our hopes, aspirations or expectations are not fulfilled. Overcoming disappointment, taking it in your stride and moving on, is the basic quality of champions. Disappointment breaks down the spirit of many people. But, this is life. You have to face a fair share of disappointments and setbacks, while you are treading the path of success. 

Anytime you suffer a disappointment or setback, put your head down and just move ahead. One can be disappointed because of secondary, innocent or quite paltry reasons, also. In this context, Jim Fiebig, “Age does not diminish the extreme disappointment of having a scoop of ice cream fall from the cone.” Never lose time or heart, when things do not accomplished at one shot. Next time, slog harder and you will surely gain success. Sitting back disappointed, in the face of adversities, is no solution.

මං නැතිදා..... (මාගේ අවසන් කැමැත්ත)



මා මිය ගිය දිනයක....
එන්න...
මා බලන්න ඇවිත් යන්න.....
කිසි දිනයක
මා වෙනුවෙන් නොහෙලූ කදුළු,
එක බිදුවක් හෙලන්න.....
දෑස තදින් පිය වුණාට,
දෙකොපුල් සීතල වුණාට....
පෙර මෙන් කතා නොකළාට....
මාගේ මතකයන්, 
බිදක් සිහි කරන්න......
මුවගින් කිසිවක් නොකියා......
මා ගැන තිබූ ඒ මතකයන්.... 
මා සමගම අළු කරන්න......
ඔබත් සතුටින් ජීවත් වන්න....